天氣熱，飲薏米水，是不錯的選擇。薏米水是祛濕及消水腫的理想飲料。以下3款薏米水食譜，可以紓緩因濕氣積聚而出現疲乏困倦、情緒鬱結等「濕重」徵狀。難怪，媽媽經常煲薏米水給孩子，原來目的就解濕氣，孩子才能精神滿滿！甚至有言生熟薏米水功效為極速去水腫、美白嫩膚！

撰文：Sam Sam |圖片：shutterstock、編輯：Sam

薏米水食譜3：雪梨乾紫無花果薏米水 滋潤祛濕

雪梨乾具生津潤燥、清熱化痰之功效，雪梨本身屬寒涼之物，但雪梨乾經過烤焗後反而潤而不寒；紫無花果係無花果一種，質感較軟，含豐富花青素同埋抗氧化，所以對眼睛同埋皮膚都有幫助，而且仲可以防治傷風、感冒，增強體質。

材料：

雪梨乾兩両、紫無花果八粒、生熟薏米各兩湯匙~

步驟：

1. 生熟薏米洗乾淨後浸半小時~
2. 其他材料浸洗一陣~
3. 煲內放大約1.5L水，然後加入所有材料
4. 待滾起後，用大火加蓋煲10分鐘~
5. 之後轉用慢火加蓋煲45分鐘~
6. 隔渣後就可以飲得啦~

廣告

雪梨乾、紫無花果、薏米依三樣食材我都分別煲過，小小豬都係唔抗拒嘅，所以我都唔太擔心。不過…依三樣一齊煲又真係唔錯，甜甜地都幾好飲呀！
溫馨提示：
薏米又稱薏仁或苡仁，營養價值非常高，包含蛋白質、脂肪、碳水化合物、膳食纖維、維他命B1、磷和鐵等。薏米分生熟，而熟薏米就是炒熟了的薏米。生薏米味甘淡、微寒， 利水消腫能力較突出，而熟薏米健脾能力較強， 故兩者合用，可兼顧兩者長處。
由於個別人仕體質不同，所以大家記得煲之前了解下自己，如有疑問，請先向註冊中醫查詢！